[A:54b] srod la lo rgyus ngo mtshar gyi gtam la yengs/ de nas gnyid bzi song tsam na/ gnyid sad sad pa dang mgar ba la tug gi re mos yod pa dang / nam langs snyam ste tho tug byas pas thams cad tug gi song bas/ der slob dpon so ma sod zhe sdang skyes pas/ de cis lan bsam pas tug gis lan par 'dug tug de gang nas byung bsam pas mgar ba'i khyim nas byung / de nas tug thams cad song 'dug dpe de bzhin du ngas zhe sdang ngam so ma sod pa de rang gi sems las byung / sems stong pa nyid las byung / stong pa de chos sku skye med go ba'i brda byung ste/ de yang bla ma'i drin yin snyam ste mos gus lhag par skyes nas/ bye ru bre do tsam btsal nas bla ma la 'bul du phyin pas/ tai lo pa'i thugs la nA ro pa 'di da rung rnal 'byor pa chen por mi 'dug snyam nas/ bye ma'i sgang bu zhig bye rur byin gyis brlabs nas de'i steng du bzhugs pas/ nA ro pa'i thugs la bla ma la bye ru dgos pa mi 'dug bla ma rang 'dod na sa gzhi'ang bye rur bsgyur du 'dug pa la snyam nas/ bla ma'i phyogs su bye ru gtor nas btang ngo / /de nas chos bshad pa gal che'am bsgom pa gal che bla ma la zhus pas/ thod pa dri chen gyis gang ba la mi'i rtsib mas khyem bu byas nas gsol te/ de nas nA ro pa la byin pas bltas pas mdog mi sdug bsnams pas dri mi zhim par 'dug 'on kyang zo zhig bya ba'i brda yin snyam nas zos pas ro mchog brgya dang ldan par 'dug nas/ der bshad pa gtso bor byed pa ni mi gtsang ba'i /