[A:55a] kha dog dang dri dang 'dra bar 'dug bsgrub pa gtsor byed pa ni mi gtsang ba'i ro zhib pa dang 'dra ste/ nyon mongs pa ye shes su 'char bar 'dug snyam pa dang / bla ma'i zhal nas de tsug yin gsungs te dbang bzhi lam du byed pa'i brda yin no zhes gsungs pas/ lo rgyus de la yang nang 'gal cung zad 'dug ste yi ges 'jigs nas btang snyoms bzhag go /'o na dka' spyad rnams ma rdzogs gong gdams ngag cung zad kyang ma bstan nam snyam na/ lo rgyus tshad ldan rnams las/ dka' spyad ma rdzogs bar gdams pa ma bstan par/ slar bstan pa kho na 'byung bas/ tshul de bzhin du bshad na/ gong du bstan pa ltar dka' spyad mang po zhig dang du blangs nas/ yang nA ro pas tai lo pa'i phyi bzhin du 'brangs nas thang stong zhig tu slebs pa na/ tai lo pa cung zhig mnyam par bzhag nas/ nA ro pa la khyod yun ring por tsha grang la sogs pa gang yang yid la mi byed par dka' ba don du gnyer ba ci 'dod pa yin gsungs pa la/ nA ro pas kho bo ni yang dag pa'i gdams ngag 'dod do zhus pas/ 'o na maNDal gyis gsungs pa la/ chu med zhus pas/ dri chus gyis gsungs nas/ de bzhin mdzad nas maNDal gyi me tog bkram pa dang / slob dpon gyis maNDal gyi 'jim pa cig blangs nas/ nA ro pa'i zhal la brgyab pas mi rtog pa skyes te/ de yang lhan cig skyes pa'i ye shes mtshon par byed pa'i phyir byin gyis brlabs par mdzad pa yin no/ /de nas dang por dbang dang / phyis su rgyud dang //