[A:55b] gdams ngag ma lus pa gnang ba las/ thog mar bskyed pa'i rim pa dang / gzhi 'khor ba'i gnad rtsa dang rlung dang byang chub kyi sems la sogs pa mtshon byed thams cad bstan nas/ mtshon bya don zhus pas/ tai lo pa'i zhal nas/ kye ho 'di ni rang rig ye shes te/ /ngag gi lam 'das spyod yul min/ /tai lo pa yis ci yin bstan du med/ /rang la rang gis bslan te shes par byos/ /zhes gsungs nas rgya mtsho dang 'dra ba'i mtshon bya don bstan te/ da khyod paNDi ta'i chas ma 'dzin par rnal 'byor pa'i cha lugs kyis sgrub pa snying por gyis shig skye ba 'dir mchog gi dngos grub thob par 'gyur ro zhes dam tshig phog nas mi snang bar gyur to/ /de nas nA ro pas me tog 'phrog pa'i lha khang zhes bya ba'i byang phyogs grong khyer chung ngu zhig yod pa na rgan mo gcig gis 'tsho ba phul nas bsgrub pa snying por mdzad kyin bzhugs pa na/ dus re zhig na mu stegs gcer bu pa rnams rtsod pa rgyal nas sangs rgyas kyi bstan pa 'jig par nye ba na/ rgyal pos paNDi ta lnga brgya bsags te me tog gi phreng ba gtad pas sus kyang len ma nus par/ rgyal po na re/ da dung bgros la rtsod pa gyis shig gal te mi nus na gtsug lag khang gcer bu pa la 'bul lo byas pas/ paNDi ta rnams gros byed pa'i tshe/ rgan mo zhig na re/ nga'i khyim na nA ro pa bzhugs zer ba dang / der dge 'dun gyis gsol ba btab pas sngar tai lo pa'i gsung ma dran par zhal gyis bzhes so/ /der gcer bu pa 'ong du ma btub pa la/ kho'i lha khang gi gam du/ rgol ba phyir rgol gnyis//