[A:56a] dpang po rgyal po dang gsum gyi khri bshams te rtsod pa byas pas slob dpon zhan zhan 'dra nas/ thugs la nga lta bu'i smra ba'i dbang phyug zhan pa ltar 'dug pa ci yin snyam du bsam pas/ sngar slob dpon tai lo pa'i gsung yod pa de bcag pa'i nyes pa dran nas bzod gsol byas te yid kyis gsol ba btab pas tai lo pa'i phyag g.yon par mi'i thod pa bcad ma khad cig thogs nas byon pa la/ nA ro pas phyag 'tshal bas/ snying rje dang bral ba srin po'i gzugs can 'di lta bu la phyag 'tshal ba de nyid kyi pham pa'i gnas su gyur to zer ba la/ ti lo pas pham pham zhes gsungs nas/ kho'i lha khang mchod rten gyi gzugs 'dra ba zur brgyad dang gsum thog yod pa la sdigs mdzub lan gsum mdzad pas thog gsum ka 'gyel bas gcer bu ba rnams skrag te thams cad kyis slob dpon gyi zhabs la phyag 'tshal gcer bu pa rnams sangs rgyas kyi bstan pa la btsud do/ /de nas tai lo pas nA ro pa la/ da khyod kyis skye ba 'di la mchog gi dngos grub thob pa'i skal ba med kyi/ chos ston cig 'gro ba mang po la phan/ khyod bas kyang slob ma dang / de'i slob ma nas mar rim pa bzhin du phan je cher 'gyur la/ bar dor phyag rgya chen po 'grub par 'gyur ro zhes gsungs nas mi snang bar gyur to/ /de nas nA ro pas bshad sgrub gnyis ka mdzad pas rtogs pa 'khrungs nas/ 'char ba med cing nub pa med/ /nyin mo med cing mtshan mo'ang med/ /ces sogs kyi rtogs brjod kyi glu yang gsungs so/ /de lta bu'i / jo bo nA ro ta pas phyag rgya chen /