[A:56b] po mchog gi dngos grub dus der ma thob kyang / rgyal po dpung dang bcas pa rengs par byed pa dang / tshogs 'khor gyi dus su ni shing tog la sogs pa dgug nus pa dang / sbyin sreg gi tshe thab kyi nang du lha sum cu rtsa gnyis zhal blta nus pa la sogs pa ting nge 'dzin gyi rtogs pa brtan par thob pas/ pur sbyangs pa'i shul du yang zla ba re re bzhin rol mo'i sgra dang / me tog gi char la sogs pa'i lha'i mchod pa yang kun gyis mthong zhing thos pa yin no/ /de dag ni 'phags yul du 'phags lugs kyi bla ma brgyud pa ji ltar byon pa'i tshul bstan zin pa yin la/ gnyis pa ye shes zhabs lugs pa'i bla ma brgyud pa'i rnam thar bstan pa'i sgo nas ye shes zhabs lugs 'phags yul du dar tshul ni/ mgon po 'jam pa'i dbyangs dang dbyer med pa'i/ slob dpon 'jam dpal bshes gnyen gyis sangs rgyas ye shes zhabs la gnang ba yin te/ de yang slob dpon ye shes zhabs kyis spyir gsang ba 'dus pa paNDi ta nyi shu rtsa lnga tsam la gtugs nas zhus shing / khyad par slob dpon 'jam dpal bshes gnyen gyis dngos su byin gyis brlabs yin te/ de yang slob dpon 'dis thog mar slob dpon seng ge bzang po la pha rol tu phyin pa'i gzhung lugs bslabs te/ yon tan bshes gnyen la sogs pa'i rigs ldan rnams la 'chad rtsod rtsom gsum gyi sgo nas dar bar mdzad/ phyis nub phyogs o rgyan du byon nas slob dpon 'jol sgeg rdo rje la gsang ba 'dus pa'i chos skor bsam gyis mi khyab pa gsan cing / yang yul de nyid du lcam /