[A:57a] legs smin dang / gu ni ni zhes bya ba'i bla ma zhig la yang gsang 'dus mang du gsan no/ /yang yul dza lan nA thar slob dpon ba mo la tsam pa ta bya ba la yang gsang ba 'dus pa'i chos skor legs par gsan nas lho phyogs kyi yul du/ slob dpon ba liM ta A tsArYa zhes bya ba mngon shes dang rdzu 'phrul bsam gyis mi khyab pa mnga' ba'i bla ma lo dgu'i bar zas gos dang longs spyod kyis mnyes par byas nas gsang ba 'dus pa'i rgyud bco brgyad gsan pas/ bla ma'i zhal nas khyod kyis don ma rtogs gsungs pa na/ slob dpon gyi thugs dgongs la don ma rtogs na rtogs pa mi skye dgongs nas/ rdo rje gdan gyi byang phyogs u pa tha zhes pa stag dang dom la sogs pa gcan gzan ma rungs pa gnas pa'i yul du rgyud kyi glegs bam mgul du btags nas zla ba drug sgrub pa mdzad pas/ ston zla ra ba'i skar ma rgyal gyi nub skya rengs shar ba tsam na sprul pa'i dge slong bla ma gnyis 'jol sgeg rdo rje 'jam rdor dang bcas pa'i zhal mngon sum du gzigs te/ 'jam pa'i rdo rje'i zhal nas 'jam dpal zhal lung du grags pa'i rdzogs rim lung bstan dang bcas pa gnang ba la brten nas 'jam pa'i rdo rje lha bcu dgu'i dkyil 'khor 'di'i srol rgya cher btod pa yin la/ slob dpon de la slob ma'i tshogs kyang mthong ba'i chos la mya ngan las 'das pa'i gang zag bzhi/ gsang ba 'dus pa'i bshad bka' 'dzin par nus nges shes pa'i grwa pa bco brgyad/ de rnams kyi nang du rtsa rgyud rgyud phyi ma dang bcas pa la 'grel pa byed mkhan bcu gsum tsam byung zhing / de'i /