[A:57b] nang nas mar me mdzad bzang pos gsang ba 'dus pa lha bcu dgu'i dkyil chog mdzad/ mar me mdzad kyis 'jam dpal bshes gnyen bya ba'i slob dpon gcig dang / dpal sde gnyis la gsungs/ phyi mas bi ma la gupta ste dri med sbas pa la gnang / de nas rin chen rdo rje/ ratna kirti ste rin chen grags pa bla ma pandha pa'i bar du rim par byon pa'i brgyud rim gcig dang / yang mar me mdzad nas kun dga' snying po/ tha ga na zhi ba/ dad byed go cha/ padmA ka ra zhes bya ba'i bar brgyud pa dang / mar me mdzad kyi slob ma 'jam dpal grags pa nas/ dpal sde/ dri med sbas pa/ yi ge pa/ nag po pa/ ye shes dpal/ ba liM ta A tsArYa ste bod skad du gtor ma'i slob dpon zhes pa la brgyud pa dang / yang rin chen grags pa nas sa manta bha tra ste kun tu bzang po/ dznyA na shrI mi tra ste ye shes dpal gyi bshes gnyen/ ratna kIrti ste dkon mchog grags pa/ puNye shrI ste bsod nams dpal gyi bar du brgyud pa ste 'jam pa'i rdo rje lha bcu dgu'i brgyud rim la yang brgyud tshul mang du byung ba yin no/ /de rnams kyis 'phags yul du byon pa'i gsang ba 'dus pa'i bla ma brgyud pa'i rnam thar bstan pa'i sgo nas 'dus pa 'phags yul du ji ltar dar ba'i tshul bstan zin nas/ gnyis pa bod yul du byon pa'i bla ma brgyud pa'i rnam thar bstan pa'i sgo nas bod yul du ji ltar dar ba'i tshul la yang 'phags skor gyi brgyud pa'i rnam thar bstan pa'i sgo nas gtso bor 'phags lugs nyid ji ltar dar ba'i tshul dang / ye shes zhabs /