[A:58a] lugs sogs kyi brgyud rim bstan pa'i sgo nas lugs gzhan dar tshul dang / dang po la yang 'gos lugs kyi bla ma brgyud pa'i rnam thar bstan pa'i sgo nas lugs de ji ltar dar ba'i tshul dang / mar lugs kyi bla ma brgyud pa'i rnam thar bstan pa'i sgo nas lugs de nyid ji ltar dar ba'i tshul dang / sa lugs kyi bla ma brgyud pa'i rnam thar bstan pa'i sgo nas sa lugs ji ltar dar ba'i tshul dang gsum las/ dang po ni/ 'gos lo tsA ba bsod nams rtse mo zhes bya ba de nyid kyi sku drin las dar zhing de nyid nas brgyud pa ste/ de yang mgon po 'di 'khrungs pa'i yul ni rta nag yin zhing / slob dpon 'gos kyi ris yin pas so/ /yab yum gnyis ming sring yin pa 'dus pa'i sras yin pas na khug pa/ ming sring bsnal ba la ngo tsha nas rta nag phu'i lhas shig tu btsar phyin nas lhas su btsas pas lhas btsas zhes grags pa yin par bshad/ yang bu ston rin po ches yab yum gnyis ka 'gos yin pas na khug pa dang / lhas phug tu 'khrungs pas na lhas btsas su grags pa yin gsungs la/ gang ltar de lta bu'i 'gos lo des gzhon nu'i dus su zur pa la rnying ma slob par byon pas/ der chos ma bslabs par yang yang mnar ba zhig byung ba na yid 'byung ste/ ngas rgya gar du phyin la khyed rnams la lan zhig bya'i gsungs nas/ gyi jo zla ba'i 'od zer dang 'grogs nas rgya gar du byon pas/ shAnti pa dang dpal sbas gnyis grongs nas mi bzhugs/ gzhan sa 'dres pa'i slob ma gsum bzhugs pa'i /