[A:59b] dang bzhi yin la/ yang bu ston rin po che'i bshad thabs gsang ba'i sgo 'byed las/ dharmA tsandra dang rlan ma bgrangs par/ shangs kyi bab ston byang chub rgyal mtshan/ gnyal gyi gshong ston rdo rje rgyal mtshan dang gnyis po 'dren par mdzad la/ gdung ma brgyad ni 'byed kyi rdog ston chen po/ rong gi brang ti rgyal po/ rta nag gi mkhas pa bsod rgyal la sogs pa'o zhes gsungs nas ka chen bzhi la 'dren tshul mi mthun pa cung zad tsam byung / gdung ma bzhi ltar na rdog dge ser/ dbus pa dbang 'bum/ lho pa rdo rje snying po/ gnyal pa chos kyi shes rab dang bzhi/ brgyad ltar na rdog ston chen po sogs brgyad la ngos 'dzin dgos kyang / brgyad kyi ngos 'dzin gsal kha can bgrangs pa zhig ma byung bas btsal dgos so/ /de lta bu'i 'gos kyi slob ma rnams kyi nang nas mar ston seng rgyal ni/ 'jed so rong bya bar sku 'khrungs/ 'dis rje btsun 'gos kyi snyan pa gsan nas/ de'i drung du byon dbang dang gdams pa dang rjes su bstan pa mtha' dag nos te/ 'gos lo la rin po che'i gser 'bum dang / rta nag po seng ge srab med bya ba zhig dang / seng ldeng gi sga dngul gyi shan pa brgyab pa zhig sogs kyis thog drangs brgya 'bul mdzad de/ zang zing gi 'bul nod kyis mnyes par byas/ de nas 'jed kyis so rong du dgon pa ram sding btab ste/ de'i gnas bdag tu bsam yas kyi chos skyong gnod sbyin gyi rgyal po tsi'u dmar po spyan drangs nas bskos/ de nyid la gdung ma bzhi'am brgyad kyi nang tshan rdog chen po ye shes seng ge zhes bya bas gsang ba 'dus pa 'phags /