[A:60a] skor phal che ba gsan cing / khyad par 'gos lo chen po la yongs su rdzogs par gsan nas dar bar mdzad pa la phyis su 'dus pa rngog lugs su grags pa yin te/ de yang rngog ye shes seng ge de'i sras nyi ma seng ge de'i gcung po dbu mar ra/ de'i dbon po rdor sems dang bzhis khams nas 'ongs nas rta nag sgro mon can du babs/ 'gos kyis rgya gar sngon ma 'khor ba dang mjal nas/ 'gos lo chen po la gsang ba 'dus pa'i dkyil 'khor du dbang zhus/ rgyud mnyan/ man ngag la nan tan cher mdzad pas/ man ngag gi gdung ma theg par grags so/ /de nas dbu ma ra dang rdor seng gnyis kyis srin po rir 'dul ba bslabs te/ slar dbu ma ras 'jed gad phung bzung / rdor seng gis sdong khrod bzung / rngog ye shes seng ges 'jed dga' ldan dang / dol du me tog mdzes ldan bya ba'i dgon pa gnyis btab/ de nas phyis mar ston seng ge rgyal mtshan la 'dus pa'i rgyud 'grel chen po'i nan tan mdzad/ 'gos kyi phyi 'gyur gyi gsang sngags kyi chos rnams la mkhas/ mar ston gyis kyang dgon pa ram sdings gtad pa bzung ngo / /de nyid la rang gi sras nyi ma seng ge'i spyir chos mang po dang / yab chos gsang ba 'dus pa'i skor ma lus pa gsan zhing / dbu tshad la sogs pa'i mtshan nyid thams cad dang / gsang sngags kyi chos phal cher la sbyangs pas shin tu mkhas pa thub pa dang 'dra bas rngog mu nir grags so/ /des dgung lo nyi shu rtsa gcig la brag ltag gi dgon pa btab/ nyi shu rtsa gsum la dzambha