[A:60b] la'i bsgrub pa mdzad pas zhag dus la rtags gang yang ma byung bar thugs mug ste/ dzambha la'i rdo sku 'phangs par brtsams pas/ gzod zhal bstan gsung byon nas bla ma 'di chos mkhas shing longs spyod kyang che bas slob ma che btsun dpag tu med pa 'dus shing / khyad par dbus gtsang gi jo sras mi bzhir grags pa byung ste/ 'grig 'tshams kyi zhang / kha rag gi gnyos/ sman lung gi dpyal/ yar lung gi khu rnams kyi bla mar gyur/ gzhan yang lo shAkya seng ge rlan btsad tsha nyi ma lcam sku mched la sogs pa bu chen mang du byung nas thams cad kyi bkur sti'i gnas su gyur to/ /de la zur du sras zhig byung ba gzhan gyis ma tshor bar byas khams su btang / cung zad cher skyes pa na yab gshegs pa'i gdan sar su bkod zer bgros byas pa na 'ga' zhig na re/ mdo khams na bla ma'i sras yod zer nas gdan drangs slob gnyer byed du bcug pas/ nga'i yab chos gang yin zer/ 'dus pa yin byas pas/ de la su mkhas zer ba la/ khye re lha khang pa mkhas zer nas/ der byon gsung gleng mdzad pas/ nged ye shes zhabs lugs pa yin/ khyod kyi yab chos 'phags lugs yin pas/ rlan btsad tsha nyi ma lcam can du byon zer nas/ de'i drung du byon 'dus pa yongs su rdzogs pa zhus/ slar bdag nyid chen po sa paN gyi zhabs la gtugs te sa skya pa'i chos mang po yang gsan/ sa skyar 'dus pa'i 'chad nyan yang rgya cher mdzad la/ khong pa thag ring pas lam bteg la bya ru gzhung gnang bas zhang bya ru bar grags/