[A:61a] mtshan dngos rdog ArYa de wa zhes bya ba yin la/ 'di gong du 'gos rngog pa'i bla ma gong ba rnams sgrub thabs kyi bshad pa rgyun du mdzad pas bskyed rim bsgom pa zhar la 'byung bas dkyil chog brtsams pa yang med cing / rim lnga'i khrid dmigs rgyun du so sor bsgom pa ma gtogs/ mang po tshogs nas sgrub mchod mdzad pa'i phyag srol yang med pa la/ ArYa de wa sa paN gyi slob mar gyur phyin chad nas sa skya pa phyag len bde ba'i spyan zlos bzang po de khong gis rtogs nas/ 'dus pa'i dkyil chog dang / mchod 'phreng sogs yig cha mang po mdzad nas gsang ba 'dus pa'i bsgrub mchod btsugs/ de'i dus su rdog ar de'i slob ma rnams kyi gsung bgros phyogs gcig tu bris pa bstod 'bum bya ba po ti gcig dang / smad 'bum bya ba po ti gcig ste gsang 'dus kyi 'grel pa chen po lta bu zhig kyang byung nas 'dus pa la lag len bshad pa dang bcas pa shin tu dar bar mdzad do/ /de lta bu'i rdog ArYa de wa la spyi mkhar 'jug gres ka'i rtag pa rin grags dang / rong lha steng gi gtsang smra seng dang / cha dkar mon mo brag gi mi nyag rdo rje grags gsum gyis gsan/ yang rdog nyi ma seng ge la gzhu'i phug ka phug ston shes rab grags kyis gsan/ de nyid la'ang mi nyag rdo rje grags dang gtsang smra seng gnyis kyis zhus/ de gnyis ka la lce ston mdo sde seng ges gsan/ yang rlan btsad tsha la rgya mkhar thang spe ba'i mkhan po 'phags pa skyabs kyis gsan pa yin te/ de yang thang spe mkhan po 'phags pa skyabs ni gzhon nu la rab tu