[A:7a]gsungs ba'i rgyu mtshan yang / ston pa 'di bskal pa dpag tu med pa'i sngon rol nas sangs rgyas nas theg pa gsum gyi chos kyi 'khor lo bskor ba'i tshe/ bde kye gsang gsum gyi rgyud rgyas pa rnams gdul bya blo mchog tu gyur pa rnams la gsungs shing / de dus kyi gdul bya skal ldan rnams kyis rgyud rgyas pa rnams kyi brjod don zab cing rgya che ba thugs nyams su bzhes/ de nas snyigs ma'i sems can rnams tshe thung zhing longs spyod dman pas rtsa rgyud chen po rnams la thos pa dang bsam pa kho nas 'da' ba las bsgom pa'i ro mi myong bar gzigs nas rgyud rgyas pa rnams mi snang bar byin gyis brlabs nas bzlas te ma gsungs pa yin la/ des na bzlas te gsungs pa ni/ rgyud rgyas pa de dag dang don 'dra ba'i bsdus pa'i rgyud rnams yin no/ /'dir gsang ba 'dus pa'i rgyud ji ltar gsungs pa'i tshul yang / sngon bcom ldan 'das bzhugs pa'i dus su nub phyogs u rgyan gyi yul na rgyal po indra bhu ti zhes bya bas/ nyan thos kyi dge 'dun rnams chos gos kyis gshog pa byas snga dro shar nas nub phyogs la 'phur 'gro/ dgong mo nub phyogs nas shar la nam mkhar 'phur nas 'gro ba gzigs nas nang blon sogs la dris pas/ ma shes par/ grong khyer gyi mi rnams la ci yin dris pas/ grong khyer ba dag na re/ 'di nas shar phyogs na grong khyer mnyan yod ces bya bar rgyal po zas gtsang ma'i sras don thams cad grub pa sangs rgyas pa'i mtshan shAkya thub pa zhes bya ba gdul bya rnams la chos kyi 'khor lo skor