[A:7b]bzhin par bzhugs pa de'i nyan thos yin zhus pas/ rgyal po chos kyi bag chags sad de sangs rgyas zhes pa'i mtshan thos ma thag lus kyi ba spu g.yo zhing ston pa la dad pa bla na med pa 'khrungs/ de'i rkyen gyis ston pa 'khor bcas mnyan yod na bzhugs pa mngon sum su mthong ste/ sang gi nyin bdag gi 'dir gdugs tshod la gshegs su gsol zhes zhus pas/ nangs par bcom ldan 'das 'khor bcas rdzu 'phrul gyis byon pa la mchod pa dang bsnyen bkur gyis mnyes par byas nas/ bdag cis kyang thams cad mkhyen pa'i go 'phang la 'god par zhu zhus pas/ bcom ldan 'das kyis khyim nas khyim med par rab tu byung la bslab pa gsum la slobs shig ces bka' stsal/ rgyal pos bdag cag gis 'dod yon spong mi nus pas 'dod yon la longs spyod bzhin du 'tshang rgya ba'i thabs zhu 'tshal zhes zhus pas/ ston pa 'dis sprul sku dbu sdum zhabs rjen gyi snang ba bsdus te/ dpal gsang ba 'dus pa'i dkyil 'khor sprul nas rgyal chen indra bhi ti la sogs te nyan pa'i skal ba dang ldan pa rnams la 'dis dbang bskur bas/ rgyal pos dbang dus nyid du grub pa chen po thob bo/ /'o na rgyal po 'di'i phyis spros bcas kyi spyod pa mdzad pa ma yin nam/ dbang dus su 'bras bu mngon du mdzad na phyis su spyod pa mdzad pa'i dgos pa ci zhe na/ phyis spros bcas kyi spyod pa mdzad pa skad ni rang rgyud kyi rtogs pa yar ldan du bya ba'i phyir ma yin gyis/ 'khor rnams grol bar bya ba'i phyir bstan pa yin no/ /de nas ston pas rgyal po la gsang ba 'dus pa'i rtsa ba