[A:71b] sbyin sreg 'phrin las char 'bebs/ rgyud kyi bshad thabs gsang ba'i sgo 'byed/ rim lnga'i khrid yig yid bzhin gyi nor bu rin chen za ma tog la sogs pa yig 'jogs rgya chen po mdzad/ 'chad nyan rtsal du ston nas mdzad pas 'dus pa'i bdag po lta bur gyur pa yin la/ de dag gi nang nas khrid yig 'di ni kun mkhyen chos sku 'od zer gyis 'phags 'od la mar 'gos gnyis char gyi gdams pa gnang ba'i gsung bgros yi ger bris pa nyung ngu zhig yod pa de tshang bar bcug cing de'i steng du 'phags 'od kyi gsung bgros rnams bris pa yin par bshad cing / ngo bo dben gsum yan 'gos lugs dang / sgyu ma dang 'od gsal mar lugs gtso bor byas pa zhig yin pa dang / sgyu ma'i skabs su mnyam bzhag sgyu ma la sbyor drug gi dmigs pa gcig kyang bcug yod pas/ de yang kun mkhyen chos sku ba sbyor drug pa yin pas/ khong gis bsnan pa bzhin bu ston gyis kyang 'bri bar mdzad pa yin par grags so/ /gzhan yang sgyu ma gsum btud du bya ba sogs nag khrid bsres pa dang / zung 'jug gi skabs su bsdus se ba zhig gi mar lugs 'gos lugs gnyis ka dang mthun pa zhig yod par mkhas pa snga ma rnams bzhed mod kyang / khrid yig de nyid kyi dbang bskur/ rgyud kyi rgyal po dpal gsang ba 'dus pa'i don bshad pa'i rgyud bzhi'am brgyad kyi dgongs pa legs par phye shing / 'phags pa klu sgrub yab sras kyi don mngon du gyur nas dgongs pa legs par bkral te tai lo pa dang nA ro pa la sogs pa