[A:72a]mkhas grub rnams kyi thugs dam du legs par bstar nas zhal nas snyan du brgyud pa'i man ngag rgyud sde zab mo thams cad kyi sgo 'byed pa'i lde mig lam rim pa lnga'i smar khrid ces sogs gsungs pas na/ bu ston rin po che'i lugs kyi gsang ba 'dus pa'i khrid 'di mar lugs gtso che ba dang / rgyud 'grel ba dang bcas pa'i bshad bka' 'gos nas rdog pa la brgyud pa'i lugs gtso che bar rang lugs kyi phyis byon pa'i mkhas pa dag bzhed/ dbang bka' ni bka' babs so so'i lugs kun 'dus pa zhig ste/ de nas bzung ste gsang ba 'dus pa mi bskyod pa'i dbang gi brgyud pa la brgyud pa'i bka' babs bdun ldan zhes dbang zhig thob pa na brgyud pa bka' babs bdun char gyi brgyud pa drangs chog pa 'di byung bas/ bsres brgyud ces pa'i tha snyad btags su rung ngam snyam mo/ /yang 'ga' zhig las klu byang gi dkyil chog nyi shu pa'i rjes 'brangs kyi dkyil chog la 'phags pa rin po che'i dkyil chog dang / bu ston gyi dkyil chog ye shes char 'bebs gnyis 'dren pa yang mdzad 'dug pa ltar/ rje btsun sa paN gyis kha che paN chen la gsan pa'i dbang bka' gsar ma'i khongs su bsdu dgos pa yang 'dra bas brtag go /de rnams kyis 'gos lugs kyi bla ma brgyud pa'i rnam thar bstan pa'i sgo nas 'gos lugs ji ltar dar ba'i tshul bstan zin pa yin la/ bu ston man chad kyi brgyud rim rnams ni 'og tu mar lugs dang / sa lugs kyi brgyud pa dag dang phal cher chab gcig tu 'byung ngo / /gnyis pa mar lugs kyi bla ma brgyud pa'i