[A:72b]rnam thar bstan pa'i sgo nas lugs de nyid ji ltar dar ba'i tshul ni/ skyes mchog mar pa lo tsA ba chos kyis blo gros kyi legs par spel ba la gsang 'dus mar lugs su grags pa yin te/ de nyid lo tsA ba nas rim gyis brgyud/ mkhas pa phyi ma dag gis 'phel rgyas su mdzad pas deng sang gi bar du yang dar rgyas su bzhugs pa yin te/ de yang mar pa lo tsA ba 'di lho brag dbus dpe gsar bya bar yab mar pa mon pa'am mar pa dkon mchog bya ba'i sras su sku 'khrungs/ las 'phro mang mkhar mu gu lung du sad de/ thugs rgya gar 'phags yul du sbyangs/ 'bras bu bod kha ba can du smin te/ de yang mar pa 'di dang po gzhon nu dus su thugs shin tu gtum pa mi phal cher mi smon pa zhig yin pa las/ dgung lo bcu gsum pa la chos sgor zhugs/ yab kyi pha spun yin pa'i chos pa zhig yod pa de'i drung du slob gnyer la btang bas/ chos ma bslab par sdang gtser byed pa zhig byung pas/ gser mang po bskur nas lo tsA slob par gzhan du btang bas/ mar pas rim gyis dbus kyi lho brag nas gdan bteg ste/ de dus kha ba can na'ang 'brog mi lo tsA ba mkhas pa dang man ngag gi snyan pa che bas/ thog mar mu gu lung na 'brog mi bzhugs pa'i drung du byon nas lo tsA legs par bslabs/ chos gzhan 'ga' re yang zhus/ lo gcig gi bar du mu gu lung du bzhugs nas gdams pa zhus kyang rgyud dang gdams pa zab mo ye ma gnang nas/ lho bal du 'gro dgos dgongs pa na/ de nyid bla mas dgongs nas/ 'brog bla chen gyi zhal nas/ lo tsA ni mkhas par khyed rang gis shes/