[A:73a] da rgyud gdams ngag zhu ba la/ khyod kyis sngar gyi zhabs tog gis cung mi yong bas/ yang na yul du log la rgyags thub pa long la shog yang na khyed rang gis byin pa'i rta 'di yang phar byin gyi/ gser du tshong la bal po tsam du chos zhu ba la dka' las ci 'dug tshod lta ba la song dang / gzod nga la yang gus pa drin du gzo ba zhig yong ste mchis gsungs/ der bla ma mar pas sngar khong rang gis phul ba'i rta nag po seng ge kha gdangs zhes bya ba tshur zhus nas/ zab chen bub cig seng ldeng gi rta sga gcig dang gsum rtag rigs su 'tshong du phyin pas gser srang nyi shu khugs nas/ dge bshes klokya chen pos grogs mdzad nas rim gyis bal por byon te/ lam gyi dka' ba dpag tu med pa byung yang dang du bzhes pa yin te/ de nyid kyi gsung las/ nags 'thug po gcig la thon dus med/ /lam ring po gcig la bgrod dus med/ /gcan gzan 'phrang dang chu la thar dus med/ /lam de kun ni bde dog mthong tsam na/ /bya dgung la 'phur ba'ang gshog rtse 'dar/ /zhes gsungs/ de nas bal por bal po spyi ther ba la rdo rje gdan bzhi la sogs pa'i chos mang du gsan kyang / des kyang thugs ma tshim pa lus srog khyad du bsad de/ rgya gar du gshegs te/ nyid kyi gsung las/ rgya gar gyi yul du phyin tsam na/ /mtha' 'khob kyi jag pa shi skyid la/ /srog ci bder thon pa cung ma bsams/ /gcan gzan gyi ngar skad thos tsam na/ /lus gtsang mar thon pa yid la byed/ /sbrul sbram chen gyi kha rlangs