[A:73b]mthong tsam na/ /yid brtan por phyin kyang gom tshugs 'khyor/ /lam de kun gyi tsha grang bshad tsa na/ /dus da lta dran yang blo snying 'dar/ /zhes dang / chos snying nas 'tshol ba'i gdung sems skyes/ /yul rgya gar shar nub chu bzhin nyul/ /thang chen po gcig la pha mtha' med/ /mya ngan gyi thang la phyin no snyam/ /yid chos la bsams kyang snying rlung 'phyo/ /nad 'tsho bar dka' ba'i tshad pas thebs/ /lar de shi de chad bcu gsum byung / /kha chems kyang tshig gsum bzhag sa med/ /dbugs 'gyu ba chad pa lan gsum myong / /dus de kun gyi bde sdug myong tsam na/ /sdang dgra yi mig nas mchi ma 'chor/ /zhes gsungs so/ /tshul de lta bu'i dka' spyad bzhed de rgya gar du phebs/ paNDi ta su mkhas dris pas/ mai tri pa dang / nA ro pas grub pa thob zer bas/ thog mar mai tri pa la gser phul nas zhus pas/ ngas bla ma dang sprad kyis gsungs nas/ nA ro pa can btang / mar pas byon pas zla ba drug tu ma mjal/ de'i dus su mar pa la sa gdon gyi snyun thu mo zhig byung nas/ nA ro pa'i rnag gsol bas snyun las grol/ de nas nA ro pa sku khams bsang ba sogs kyi rjes su 'brengs te maNDal 'bul zhing gsol ba btab pas/ zla ba drug nas mjal kha gnang ste 'dus pa'i dbang dang / rim lnga smar khrid/ rgyud kyi bshad pa hril tsam dang bcas pa stsal zhing lo drug dang zla ba bdun gyi bar mar pas nA ro pa'i drung du bzhugs/ de nas bod du byon la stod dger phu ru klo skya ston pas sna len byas te/ chos 'chad cing lo gcig bzhugs/ de nas dbu ru byang ngos