[A:74a]su byon/ mar pa mgo legs bya bas sna len byas te chos bshad pas/ mgo legs kyis gser srang bcu gnyis phul/ de nas gser bre gang tsam byung ba khyer te/ rgya gar du bla ma dang mjal bar byon pas/ nA ro pa spyod pa la gshegs nas mi bzhugs pas/ dgon par jo mo la tshogs 'khor gcig byas gsol ba btab pas zhal mjal gser phul nas chos zhus pas/ dges rdor dang gdan bzhi bde mchog sogs gnang nas shes sam lan gsum gsungs/ shes lags zhus/ slar yang bde mchog gi chos cig zhu snyam tsa na gar gshegs cha ma byung yang maNDal phul gsol ba btab pas/ ri zur zhig la bzhugs pa mthong nas der byon pas/ nA ro pa rnag ka pA li gang mi rtsibs kyis gsol nas grub pa na/ ka pA li kha phub song ba/ mar pas blangs te lhag ma byogs nas gsol bas/ ro shin tu zhim pa zhig 'dug nas lhag ma lus pa gsol/ ka pA li bsnams te sras la gtad/ de ltar bla ma mar pa 'dis spyir 'phags yul du lan gsum/ bal por lan gsum ste rgya bal du chos kyi ched kho nar lan drug byon te/ rgya gar shar nub lho byang kha che bal po sogs thams cad nyul/ paNDi ta dang ku sa lir grags pa bla ma brgya rtsa brgyad/ bshad srol 'dzin pa lnga bcu/ snang ba 'gyur nges bcu gsum/ lhag par gsang ba 'dus pa gsan pa'i bla ma bdun/ khyad par du 'phags pa'i bla ma bzhi sogs mkhas grub dpag tu med pa zhig bsten pa yin te/ nyid kyi gsung las/ zhabs pad spyi bor reg mdzad cing / /gsung don