[A:75a]mkhas grub gnyis ldan gyi bla ma mang du bsten pas gsang 'dus rim lnga'i smar khrid mi the ba'i rdzogs rim zab mo'i khrid brgya rtsa brgyad bzhugs pa yin te/ rim lnga'i smar khrid ma gtogs pa'i/ /rdzogs rim brgya dang brgya rtsa shes/ /che na ngo mtshar de che mod/ /ces gsungs so/ /de ltar rje mar pas/ rgya gar gyi yul du lan gsum phyin/ /nA ro paN chen gyi byin gyis brlabs/ /bsgoms te sangs ni kun kyang rgya/ /ma bsgoms rgya na rgya ba yin/ /zhes gsungs pa ltar 'phags yul du lan gsum byon pa'i snga phyi kun bsdoms pas lo bco brgyad bzhugs/ spyir chos mang du lobs/ khyad par gsang ba 'dus pa rgyud rkyang man ngag dang bcas pa dang / rim lnga'i smar khrid snying po'i don hril gyis dril bsogs gsan te/ de nas brgyud pa la sgro 'dogs nang nas gcod pa grub thob nyams kyi brgyud pa zhes grags/ yang dpal ye shes snying po la 'dus pa'i rtsa rgyud bshad rgyud 'grel ba 'grel bshad dang bcas pa sogs rgyas par zhus/ de nas brgyud pa la mkhas pa paNDi ta'i lugs sam brgyud pa zhes grags so/ /de lta bu'i skyes mchog mar pa lo tsA chos kyi blo gros la slob ma'i mchog kyang / grong 'jug gi bka' babs rang gi rigs sras dar ma mdo sde/ 'pho ba'i bka' babs dol gyi tshur ston dbang gi rdo rje/ bshad rgyud kyi bka' babs gzhung gi rngog chos sku rdo rje/ 'od gsal kyi bka' babs gtsang rong gi mes ston tshon po/ bde drod kyi bka' babs gung thang gi mid la ras pa sogs byon pa'i phyi ma 'di bzhi la mnyes