[A:78a] bla ma shAkya gzhon nu/ bla ma blo ldan de nyid la yang 'phags 'od kyis gsan no/ /yang mar lugs kyi dbang bka' tsam gyi brgyud pa ni/ 'khon gad pa kIrtis/ yang lung zur dgon pa mgar ston sher rgyal la gnang / des gnyen rtse aM phug pa sprul sku rin chen seng ge go lung pa ye shes rgyal/ rong ston mkhan po byang chub zung / gshong lo brtan/ lo tsA ba mchog ldan/ bla ma dpal ldan seng ge de la bu ston rin po ches gsan/ yang aM phug pa rin chen seng ge nas/ rong pa sher bzang / ston mo lung pa ye shes 'bar/ kun mkhyen chos sku ba/ 'phags 'od yon tan rgya mtsho/ bu ston gyi bar du brgyud pa yang yod do/ de lta bu'i gsang 'dus 'gos lugs dang mar lugs gnyis kyi brgyud pa bu ston rin po che nas gtso cher phyogs gcig tu byung bas/ de ltar du brjod na bu ston rin po ches sras kyi thu bo khyung po lhas pa mkhas grub gzhon nu bsod nams la gsang ba 'dus pa la sogs pa gdams pa thams cad gnang bas/ mar 'gos gnyis ka'i dbang bshad gdams pa dang bcas pa bum pa gang byo'i tshul du bzhugs pa yin la/ mkhas grub chen po de nyid dgung lo brgyad cu rtsa lnga bzhes pa'i tshe/ shar chen ye shes rgyal mtshan gyis 'dus pa'i 'grel chen/ 'grel bshad mtha' drug rab gsal/ dbang bka'/ brgyud pa mang po'i bka' babs phyogs gcig tu dril ba dang / sgrub thabs dang rgya gzhung mang po'i bshad pa/ rim lnga 'gos lugs sgom khrid dang bcas par rgyas par gsan/ dam pa de nyid kyi drung du ngor chen thams cad mkhyen pa kun dga' bzang pos