[A:78b]rgyud 'grel gyi bshad pa lan gsum dang / dbang bka' sgrub thabs kyi bshad pa lan mang po dang bcas pa gsan zhing / 'gos lugs kyi rim lnga'i khrid dang / mar lugs kyi rim lnga'i khrid de gnyis ni/ bu ston nas bla ma dpal ldan tshul khrims/ grub chen buddha shrI sogs brgyud de gsan pa yin la/ de lta bu'i rdo rje 'chang kun dga' bzang pos mkhas grub kyi bla ma gnyis las/ dpal gsang ba 'dus pa mar 'gos gnyis kyi gdams pa ma lus pa gsan nas ngor e waM chos ldan du yang nyi ma re la yang rgyud man ngag gi chos thun gnyis re gnang ba sogs dka' spyad dang ngal dub du ma zhig dang du bzhes te/ bstan pa'i khur chen po bsnams te 'chad nyan gyis gtan la phab pas gsung rgyun zin nges pa'i mkhas pa yang mang du byung ste/ mkhas pa'i dbang po gung ru shes rab bzang pos ngor chen gyi gsung ji ltar ba bzhin bri bar mdzad pa'i gsang ba 'dus pa'i bskyed rim gyi rnam bshad rmongs pa'i mun sel lam/ yid kyi mun sel zhes kyang bya/ log rtog gi mun pa sel ba padmo'i gnyen zhes kyang bya ba dang / sdom brtson dam pa dpal gyi rgyal mtshan gyis/ rdo rje 'chang gi gsung rgyun bzhin bris pa'i gsang 'dus kyi rnam bshad blo'i padmo rgyas byed ces pa dang / chos kyi rje srad pa kun blo'i gsang 'dus kyi rgyud kyi spyi rnam chen mo sogs dang / gzhan yang sbyar byang gsal kha med pa'i ngor chen kun dga' bzang po'i gsang 'dus kyi rgyud dang man ngag gi yig cha mang po zhig kho bo cag gis kyang mthong zhing / gzhan yang mang du yod par snang la/ ngor chen rdo rje 'chang nyid kyi mdzad pa'i gsang ba