[A:79a]'dus pa'i bshad skor la/ gsang ba 'dus pa'i bla ma brgyud pa'i gsol 'debs byin rlabs rgya mtsho/ sgrub thabs dngos grub rgya mtsho/ dkyil chog ye shes rgya mtsho/ mchod 'phreng mchod sprin rgya mtsho/ gtor chog 'dod dgu'i rgya mtsho/ sbyin sreg 'phrin las rgya mtsho/ rab gnas bkra shis rgya mtsho/ bkra shis dge legs rgya mtsho sogs rgya mtsho skor brgyad dam/ yang rdo rje sems dpa'i mchod chog dang rgya mtsho skor dgur grags pa rnams mdzad la/ gzhan yang rim lnga'i khrid yig zung 'jug gsal ba sogs yig skor mang du mdzad nas dpal gsang ba 'dus pa'i bstan pa nam langs pa la nyi ma shar pa ltar gsal bar mdzad pa yin no/ /de'i drung du gsang 'dus 'gos lugs mar lugs gnyis ka'i chos skor yongs su rdzogs pa gsan pa'i slob ma bsam gyis mi khyab pa zhig byung ba'i nang nas brgyud 'dzin gyi gtso bo mus chen sems dpa' chen po dkon mchog rgyal mtshan te/ de nyid kyis gsang 'dus mar 'gos gnyis char gyi lugs legs par gsan zhing / 'chad nyan kyang yang yang mdzad pas/ mang mkhar ba brgyud 'dzin blo gros rgyal mtshan gyi rim lnga'i khrid kyi zin bris sogs gsung rgyun bris pa'i yig cha yang mang du byung ba yin no/ /mus chen sems dpa' chen po 'di nyid la 'dus pa'i brgyud pa 'dzin pa'i slob ma dpag tu med pa zhig byung yang / gtso bor gyur pa ni rje btsun kyi thugs kyi sras mchog kun mkhyen mkhas pa'i dbang po bsod nams seng ge ste rje 'dis sems dpa' chen po'i drung du 'dus pa 'phags lugs dang ye shes