[A:84b] kha che paN chen nas brgyud pa'i klu byang gi dkyil chog nyi shu pa gsar du bsgyur ba de'i lugs kyi dbang bka' la dbang bka' gsar ma'i tha snyad kyang grags pa yin no/ /des na bdag nyid chen po sa paN la gsang 'dus 'gos lugs/ mar lugs/ kha che paN chen gyi lugs dang gsum bzhugs pa yin te/ 'gos lugs gsan tshul gong du bstan zin la/ mar lugs ni 'khon gad pa kIrti sogs nas brgyud pa'i rim lnga stan thog gcig ma sogs gsan pa yin te/ rab dbyer chos gsan tshul 'chad pa'i skabs su/ rim lnga stan thog gcig ma dang / /zhes gsungs pas so/ /de lta bu'i bdag nyid chen po sa skya paNDi ta kun dga' rgyal mtshan rang nyid kyis rtogs pa'i brgyud 'dzin tshogs grub dbon gsum gyi dbon po chos kyi rgyal po 'phags pa dang / 'od zer shAkya gnyis la gnang zhing / chos rgyal 'phags pas lugs 'di'i dkyil chog kyang mdzad de zhing dkon mchog dpal ba la gnang / de nyid nas ngor chen kun dga' bzang po'i bar dbang bka' rnying ma'i brgyud pa dang 'dra la/ yang 'od zer shAkyas kyang lugs 'di'i sgrub thabs shig mdzad cing / de nyid kyis kha'u pa dar ma shes rab la gnang / des se mor pa rin chen dpal bya ba la/ des bla ma rwa gnyis pa rin chen rgyal mtshan/ des chos rgyal 'phags pa'i slob ma spro lung pa kun dga' smon lam la gnang / 'dis kyang 'dus pa sa lugs kyi sgrub thabs mdzad cing / de nyid kyis bla ma don rin grags chen la gnang / de nas 'phags 'od sogs gong mar 'gos gnyis kyi skabs su bstan pa ltar yin no/ /de ltar 'dus pa'i chos skor rgya mtsho lta bu'i nang nas rang