[A:85a]nyid kyis nos pa'i tshul mdo tsam zhig brjod na/ gsang 'dus lugs gsum gyi mi bskyod rdo rje'i smin byed kyi dbang ni yab rje chos kyi rgyal po las nos pa'i tshul gong du bstan pa ltar dang / 'dus pa spyan ras gzigs dang / 'jam pa'i rdo rje'i dbang ni/ rgyal ba mus pa chen po nas brgyud pa mkhan chen thams cad mkhyen pa'i drung du nos pa'i tshul 'og nas 'byung ba ltar yin la/ bskyed rim gyi bshad pa dang / rdzogs rim zab mo rim lnga'i khrid/ rgyud rgyud 'grel dang bcas pa gzhan yang rgya bod kyi gzhung rnams kyi bshad lung sogs 'dus pa'i chos skor zab cing rgya che ba phal che ba rnams ni/ khyab bdag 'khor lo'i mgon po rgyal ba mus pa chen po sangs rgyas rgyal mtshan gyi zhal snga nas kyang bka' drin las nye bar nos pa yin te/ de yang kho bo cag gi yongs 'dzin dam pa buddha'i mtshan can nyid kyis spyan snga 'jam pa'i dbyangs dkon mchog rgya mtsho'i drung du/ kun mkhyen gyi slob ma rje sangs rgyas rin chen dang / paN chen dbang phyug grub pa gnyis kyi dngos slob bdag chen ngag gi dbang phyug las brgyud pa'i rim lnga 'gos lugs dang mar lugs gnyis ka'i khrid/ dbang rgyud man ngag 'grel pa 'grel bshad dang bcas pa bum pa gang byo'i tshul du gsan zhing mnyes pa gsum gyi sgo nas mnyes par mdzad de/ rje dkon mchog rgya mtsho nyid kyis ci gsungs pa'i bka' thams cad dang du bzhes pa la brten/ rten 'brel thams cad rang 'grig tu gyur te/ 'phrin las kyis rgya mtsho'i gos can du khyab pa'i legs tshogs thams cad lhun grub tu 'byung ba yin te/ de yang bdag gi rnam 'dren dam pa rje btsun