[A:85b]mus pa chen po 'di nyid kyis bla med kyi dbang gis gzhan don mdzad pa'i thog ma yang gsang ba 'dus pa'i mi bskyod pa'i dbang gis gzhan phan 'phrin las kyi sgo dang po phye ba yin te/ de'i tshul yang sngon rje dkon mchog rgya mtsho gling dga' bde ba can du bzhugs pa'i skabs shig gsang 'dus kyi chos skor don gnyer gyi slob bu che btsun mang po zhig phyogs nas 'dus pa'i tshe/ rje spyan snga 'jam pa'i dbyangs kyi gsung gis/ da lam gyi gsang 'dus don gnyer 'dir 'dus pa rnams la chos rje shangs pas dbang bskur gyis/ de nas nged kyis khrid sogs ston pa yin no zhes gsungs pa'i bka' bzhin sgrub pa'i sta gon gyi nub mo rje nyid kyi mnal lam du/ dkon mchog gi rten gyi drung du zan ril brtag pa zhig mdzad kyin 'dug pa na/ ril bu gcig phyir 'thon pa la me 'bar nas je mtho je mthor song ste mthar nam mkha'i dbyings su thim pa'i mtshan ltas gsal bar byung gsungs/ 'di ni rje btsun bla ma nyid kyi 'phrin las nam mkha' dang mnyam pas gdul bya rnams mi gnas pa'i mya ngan las 'das pa'i dbyings su 'dren nus pa'i mtshan ma yang dag pa yin par nges so/ /dus de tsam nas bzung rje nyid dgung lo bdun cu don bdun bzhes pa tsam gyi bar la bgrang ba las 'das pa'i gdul bya rnams la/ spyir mdo sngags kyi chos tshul bsam gyis mi khyab pa zhig dang / khyad par dpal ldan gsang ba 'dus pa'i dkyil 'khor chen por smin byed kyi dbang bskur ba dang / zab mo rim lnga'i khrid ston pa dang / de dag gi rgyab rten rgyud rgyud 'grel dang bcas pa'i bshad bka' sogs kyi sgo nas pha rgyud gsang ba 'dus pa'i bstan