[A:86a]pa yar ngo'i zla ba ltar 'phel zhing rgyas par mdzad cing / lhag pa'i lha 'di nyid kyi bskyed rdzogs zab mo'i rnal 'byor dang / gsang sngags kyi bzlas brjod rnams kyang ji srid mtshan ma brnyes kyi bar du thugs nyams su bzhes pa la brten/ zhing skyong tsa turmu kha 'di nyid rje nyid kyi bran bzhin du bka' nyan cing 'phrin las sgrub pa'i ngo mtshar ba'i rnam thar mang du yod de/ de yang rje 'di sa skyar phebs pa'i skabs shig gdan sa'i mgon khang gong 'og dang / kha'u skyed lhas sogs su gnas mjal mdzad dus kha'u brag rdzong du nyi ma gsum gyi bar la mchod gtor rgya chen po mdzad pas/ de'i nyi ma dang po'i nyin gtor tshogs kyi steng gi nam mkha' la ral gri me 'bar ba zhig 'dug pa mngon sum du gzigs shing / nyi ma bar ma'i nyin 'phags pa brag phug na thugs dam la bzhugs dus/ bar snang la bram ze dkar po zhig phar 'gro tshur 'gro byed pa mngon sum du gzigs zhes rje nyid kyi gsung las thos shing / chos skyong bram ze'i gzugs can nyid mngon sum du gzigs pa'i skabs der gzhan yang gzigs snang khyad par can du ma byung bar nges la/ zhing skyong chen po 'di sa skya pa'i chos skyong gzhan rnams las kyang rje nyid la lhag par 'go bas/ bdag gi bla ma 'di dang mi la mi lab pa'i tshul gyis bran bzhin du 'khol ba'i rnam thar mang du yod kyang / kho bos rje 'di'i rnam thar logs su bkod pa rnams su thun mong du brjod rung ba rnams ni rgyas par bris zin cing / thun mong ma yin pa dag ni chos skyong gnyan pas bri bar ma nus so/ /de ltar zhing skyong chen po 'di rje bla ma