[A:86b]'di la chos skyong gzhan las 'go ba yang / zhing skyong 'di gtso bor gsang ba 'dus pa'i bstan bsrung yin pas/ rje 'di 'dus pa'i bstan 'dzin bla na med pa yin pa'i gtan tshigs yang dag pa yin la de lta bu'i bdag gi bla ma dam pa yongs 'dzin 'brel tshad don ldan 'di nyid kyi ngo mtshar ba'i rnam par thar pa rgyas pa ni don tshan bcu gsum gyi sgo nas zhib tu bstan pa'i rje 'di'i rtogs brjod rgyas pa ngo mtshar rin po che'i phreng ba zhes bya ba dang / 'bring po byin rlabs dgos 'dod kun 'byung bya ba dang / bsdus pa ngo mtshar utpa la'i chun po rnams su legs par bshad pa las khongs su chud par bya'o/ /de ltar yongs 'dzin dam pa de nyid kyis kho bo cag la zab rgyas kyi dam pa'i chos kyi bka' drin tshad med pas bskyangs shing / thugs rje'i spyan ras kyis bu gcig pa'i ma bzhin rjes su bzung ba la brten/ rje de nyid dus gsum gyi rgyal ba kun gyi spro bsdu'i byed por nges pa'i shes pa snying nas rnyed de/ 'di phyi'i don thams cad mgon po de nyid kyi thugs rje las gzhan du re ba'i yid gnyis cung zad kyang med pa'i gang byung gcig chog rgyal po bla ma'i thugs rje dang byin rlabs las byung bar blo thag chod pa 'di yang 'dren pa dam pa gang gi byin rlabs snying la zhugs pa'i dge mtshan las byung ba yin no/ /de yang kho bo cag rje 'di dang mjal ba'i tshul ni rang nyid lo gzhon nu'i dus grub thob gong ma'i rnam thar 'ga' zhig mthong ba'i rkyen byas nam 'chi cha med kyi tshe thung 'di la tshe dang sgrub pa mnyam pa zhig bya snyam pa dang / yang na 'chad nyan dang / thugs dam spel mar byas te/ mi tshe stong zad du ma song ba zhig cis kyang bya snyam