[A:87a]pa dang / de dag gang byed kyang bla ma mtshan nyid dang ldan pa zhig dang ma mjal na thabs mi 'dug snyam pa sogs chos kyi snang ba mi chung tsam yod cing / lhag par rje btsun bslu med dam pa nyid kyi rnam par thar pa cung zad thos pa'i mod la snying nas mjal 'dod kyi 'dun pa kha zhe med pa yang yang skyes pa dang / rje 'di la chos thob pa dang sku drung nas 'ong ba yin zer ba rnams dang 'phrad dus khyed rnams re dga' bla ma sangs rgyas de lta bu dang mjal 'dug snyam pa dang / lhag par 'jam pa'i dbyangs mthu stobs dbang phyug rje 'di'i zhabs drung du rab byung dang / dbang rjes gnang mang po zhus nas phebs byung skabs/ rje 'di'i rnam thar 'dra gsungs byung pas/ bdag kyang rje dang mjal nas chos thob pa zhig byung na dga' ba la zhus shing / snying nas kyang mjal 'dod lhang lhang je 'phel du song ba zhig byung / yang rje nyid ngam ring du phebs skabs shig sbyong dkyil bcu gnyis kyi dbang gnang ba grub nas/ rtsa brgyad pa 'tsho byed lha 'byor gdan sa chen por sleb byung ba'i lag par dpung skud cig 'dug pa la/ khyed kyis nye stabs dbang su la zhus smras pas/ rje mus chen la sbyong dkyil bcu gnyis kyi dbang thob pa yin zer zhing / rje'i rnam thar 'ga' zhig 'phros byung bas/ nged kyang bla ma sangs rgyas de dang mjal nas chos thob pa'i dus shig e yong na zhes pa ngag nas kyang shor zhing yid la yang byung ba yin la/ de nas skabs shig bdag la bka' drin mchog tu che ba'i ma cig lha sras bsod nams rgyal mo de nyid ngam ring du mi dbang chen po mjal ba la phebs pa'i sgo dod song ba na/