[A:9a]gnyis gsang ba 'dus pa'i rgyud du bzhed pa gang zhig de gnyis rtsa rgyud du mi bzhed pa'i phyir/ der ma zad rtsa rgyud de dang de'i bshad rgyud du 'gro ba la/ rtsa rgyud de dang der sbas pa'i don gcig bstan pa la/ ston pa nyid kyis phyis don de ston pa'i phyir du ched du dmigs nas gsungs pa zhig dgos la/ de la yang mi gsal ba gsal bar byed pa dang / ma tshang ba kha skong ba sogs bshad rgyud du 'gro tshul lnga tsam gsungs pa'i mi gsal ba gsal bar byed pas na/ phyi ma 'di gsang ba 'dus pa'i bshad rgyud du 'dod dgos la/ mi gsal ba gsal bar byed pa yang yin te/ rtsa rgyud le'u bcu bdun pa 'di'i dka' ba'i gnas thams cad dri ba lnga bcu rtsa bzhir bsdus nas dris pa'i lan thams cad le'u bco brgyad pa 'dis gtan la 'bebs par bshad pa'i phyir zhes bshad/ bu ston gyi gsung rab kha cig las/ gsang ba 'dus pa la rtsa rgyud le'u bcu bdun pa/ bshad rgyud ye shes rdo rje kun las btus pa/ dgongs pa lung ston/ rdo rje phreng ba/ lha mo bzhis zhus/ rdo rje snying po rgyan gyi rgyud/ gnyis med rnam rgyal/ rgyud phyi ma/ lha'i dbang pos zhus pa/ sgyu drwa rnams te rtsa bshad kyi rgyud bcur bshad pa dang / yang bu ston rin po che'i rim lnga'i khrid yig las/ bshad rgyud bzhi'am brgyad kyis bkral ba zhes gsungs nas 'phags lugs la yang rtsa ba dang / de'i bshad rgyud brgyad kyi rnam gzhag mdzad de/ ye shes rdo rje kun las btus/ dgongs pa lung ston/ rdo rje phreng ba/ lha mo bzhis zhus dang bzhi/ de'i steng du ye shes