[A:11b]gsang 'dus 'chad pa'i skabs su/ mdo rin chen phung po dang / brgyad stong pa dang / sangs rgyas phal po che dang / bzang spyod sogs nas lung 'dren mdzad pas de dag kyang gsang ba 'dus pa'i bshad rgyud du 'gyur la/ yang sgron gsal sogs su rgyud phyi ma nas lung lan cig min par yang yang du drangs shing don yang dag par bshad pa'i phyir na rgyud phyi ma 'dus pa'i bshad rgyud yin gsungs pa'i sgrub byed kyang 'thad par ma mthong ste/ 'o na ma rgyud sangs rgyas mnyam sbyor yang gsang ba 'dus pa'i bshad rgyud du khas len rigs par 'gyur te/ spyod bsdus le'u tha ma gsum du ma rgyud sangs rgyas mnyam sbyor gyi lung mang du drangs nas gsang ba 'dus pa'i gang zag gi spyod pa byed tshul rgyas par gsungs pas so/ /gzhan yang mya ngan 'das pa yang sgyu ma lta bu rmi lam lta bu zhes pa'i yum gyi lung spyod bsdus su zung 'jug gi skabs su drangs shing don yang dag par bshad pa dang / rdul gcig steng na rdul snyed sangs rgyas rnams/ /zhes pa'i bzang spyod kyi lung de lus dben gyi skabs su drangs shing don bshad pas na/ mdo de dag kyang gsang 'dus kyi bshad rgyud du 'gyur ba dang / gzhan yang 'o na 'jam dpal mtshan brjod kyang dus 'khor gyi bshad rgyud yin par thal/ dus 'khor bsdus rgyud du/ de nas dpal ldan rdo rje 'chang / /zhes pa nas/ ye shes sku nyid khyod la 'dud/ /ces pa'i bar lung du drangs shing don yang dag par bshad pa'i phyir/ gsum pa rnam snang sgyu 'phrul dra ba yang gsang 'dus kyi bshad rgyud du mi 'thad de/ grub chen kun snying gi sgyu dra gsang 'dus kyi bshad rgyud du bshad