[A:12a]pa ni gsang 'dus yo gar bkral ba'i lugs yin gyi/ gzhan gsang 'dus bla med du bkral ba'i tshe/ rnam snang sgyu dra gsang 'dus kyi bshad rgyud du bzhed pa'i rgya gar gyi grub chen su yang ma byung ba'i phyir dang / der ma zad rnam snang sgyu dra 'di ni pha rgyud rang rkang thub pa gcig yin par bshad pas kyang / gsang 'dus kyi bshad rgyud yin par 'dod pa la gnod pa 'di gsang ba 'dus pa'i bshad rgyud du 'dod pa ni su dang yang mi mthun no/ /des na gsang ba 'dus pa'i bshad rgyud la bzhi dang / lnga dang / drug dang / brgyad dang / dgur 'dod pa sogs rnam grangs mang na yang / 'thad pa'i phyogs ni gsang ba 'dus pa spyi tsam la rtsa rgyud le'u bcu bdun pa dang / de nyid la bshad rgyud ye shes rdo rje kun las btus kyi rgyud/ dgongs pa lung ston/ lha mo bzhis zhus/ rdo rje 'phreng ba/ rgyud phyi ma/ rdo rje snying po rgyan gyi rgyud dang drug ste rtsa bshad kyi rgyud bdun dang / 'phags pa yab sras kyi lugs thun mong ma yin pa ltar na rtsa rgyud ni le'u bcu bdun pa dang / bshad rgyud dang po bzhi po de dag ste rtsa bshad kyi rgyud lnga po 'di ni med kha med yin la/ gzhan rgyud phyi ma 'di yang gsang ba 'dus pa'i rgyud du 'phags pa yab sras bzhed pas 'phags lugs la yang bshad rgyud tsam du khas len dgos zhes paN chen nyi zla seng ges gsungs pa yang 'thad par sems so/ /yang ye shes zhabs lugs pa ltar na rtsa rgyud le'u bcu bdun pa/ bshad rgyud rdo rje snying po rgyan gyi rgyud dang / rgyud phyi ma ste rtsa bshad kyi rgyud gsum du nges shing / gsum po de dag med mi rung gi rgyud du yang bzhed de/ de