[A:13a]yod pa'i dang po ni/ ye shes kyi mkha' 'gro mas bram ze chen po sa ra ha la dngos su gnang ba'i man ngag 'phags pa yab sras kyis legs par bkral bas 'phags lugs su grags pa 'di nyid de/ ji ltar bkral ba'i tshul yang dpal mgon 'phags pa klu sgrub kyis gsang ba 'dus pa'i rtsa rgyud le'u bcu bdun pa las btus nas mi bskyod pa gtso bor byas pa'i gsang ba 'dus pa lha so gnyis kyi sgrub thabs ting nge 'dzin gsum gyis bcings pa'i bskyed rim ston pa'i gzhung mdor byas dang / de nyid rgyud kyi lung dang sbyar zhing lhag mos 'od gsal du bsdus pa sogs mdor byas su ma tshang ba 'ga' zhig gis kyang kha skong ba'i tshul gyi sgrub thabs mdo dang bsre ba ste bskyed rim ston pa'i gzhung gnyis/ rim lnga dang byang chub sems 'grel te rdzogs rim ston pa'i gzhung gnyis dang bcas pa'i bskyed rdzogs kyang gzhung bzhi mdzad la/ yang smin byed kyi gzhung dkyil chog nyi shu pa bya ba gcig mdzad par 'gos rdog pa sogs snga rabs pa phal cher bzhed cing / dkyil chog de nyid tshad mar mdzad nas dbang bskur ba'i phyag len yang de'i steng nas mdzad la/ rje btsun sa skya pa yab sras rnams kyang de nyid klu sgrub kyis mdzad pa yin min gyi dpyad pa gang yang mi snang bar/ de'i steng nas 'gos rdog pa sogs kyis mdzad pa'i dbang bka' la dbang bka' rnying ma bya ba'i tha snyad mdzad do/ /de lta bu'i gzhung de bu ston rin po che ma byon gong du 'phags pas mdzad pa yin min gyi dpyad pa dang the tshom mdzad mkhan su yang ma byung yang / bu ston gyis dkyil chog nyi shu pa 'phags pa klu sgrub