[A:15b]gnyen zung 'jug gsal bar 'di nas lung 'dren mdzad rigs pa las/ 'di nas ma mdzad par klu byang gi dkyil chog nyi shu pa nas lung 'dren dang kha 'phang mdzad pa'i phyir gsungs mod kyang / de la rang nges pa cher med dam snyam ste/ klu sgrub kyi dkyil chog shin tu bsdus pa zhig mdzad pa yin nas lung du 'dren 'os kyang cher med pa dang / khyad par kha 'phang mdzad pa ni ye shes dbab pa'i skabs na 'dug pas/ de nyid dkyil chog klu sgrub kyis mdzad pa der shin tu bsdus pa lta bu'i kha ma 'phangs shing / klu byang gi dkyil chog der ye shes dbab pa rgyas par yod nas de la kha 'phangs pa yin pa yang srid pas so/ /des na mkhas pa'i dbang po gung rus gsungs pa ltar/ klu byang gis mdzad pa'i dkyil chog nyi shu pa ni/ slob dpon sgra gcan 'dzin dpal sogs paN grub mang pos tshad ldan du bzhed pas rnam dag yin min la rtsod pa chen po med la/ klu sgrub kyis kyang dkyil chog nyi shu pa zhig mdzad dam snyam ste/ 'gos sogs snga rabs pa mang pos klu sgrub kyis mdzad pa'i dkyil chog de yod pa rang bzhed nas/ de la brten pa'i dbang bka' yang mdzad pa la/ phyis su dbang bka' rnying mar grags pa dang / khyad par 'gos los rgya gar du byon nas bla ma btsun mo can/ mngon shes can/ nag po pa dang gsum bsten nas gsang ba 'dus pa mthil phyin par gsan pa yongs la grags pas/ dkyil chog de slob dpon klu sgrub kyis ma mdzad pa dgongs bzhin du de rnam dag tu zhal gyis bzhes pa mi srid pas so/ /des na bu ston gyi