[A:16b]gsungs pas so/ /gang ltar kyang de lta bu'i dpyad gzhi can gyi gzhung de nyid dang bcas pa'i gsang ba 'dus pa skor la dpal 'phags pa klu sgrub kyis gzhung lnga mdzad/ de'i slob ma 'phags pa lhas dpal gsang ba 'dus pa'i lam rim tshang bar ston cing / bskyed rdzogs gnyis kyi nang nas rdzogs rim gtso bor ston pa spyod bsdus sgron me le'u bcu gcig gi bdag nyid can dang / de nyid kyi sems dben la 'phros nas sems kyi sgrib sbyong sgyu lus la 'phros nas bdag byin gyis brlabs pa'i rim pa 'od gsal la 'phros nas mngon par byang chub pa'i rim pa ste gzhung bzhi mdzad la/ gzhan slob dpon 'di nyid kyis mdzad par grags pa'i ro sreg gi cho ga dang / gsang 'dus rtsa rgyud kyi 'grel pa sogs ni bod kyis sbyar ba yin gyi/ slob dpon 'dis mdzad pa ni ma yin par bshad do/ /yang grub chen klu'i byang chub kyis mdo byas kyi nyams len de sbyang gzhi dang sbyar ba dang / lhag mos 'od gsal du 'jug pa dang / lus dkyil dang / dkyil 'khor rgyal mchog gi skabs su kha skong gi zin bris lta bur gyur pa rnam gzhag rim pa/ smin byed kyi dbang ston pa dkyil 'khor gyi cho ga nyi shu pa/ rdzogs rim gtso bor ston pa las mtha' rnam 'byed rim lnga khong bsdus dang gzhung bzhi mdzad cing / gzhan yang slob dpon 'dis mdzad pa'i sbyin sreg cig dang / mdo byas kyi 'grel pa de kho na nyid grub pa bya ba 'di nyid kyis mdzad par grags pa gnyis ni bod du ma 'gyur yang rim lnga'i 'grel pa nor bu'i phreng ba bya ba dang / rtsa rgyud kyi