[A:17a]'grel chen 'grel pa don gsal/ mngon rtogs rgyan rtsa 'grel zer ba rnams la klu byang gis mdzad zer ba yod kyang / de dag ni paNDi ta phra la ring bya ba zhig gis grong 'jug byas nas zom rong chos bzang du skye ba blangs pa des bstan bcos mang du brtsams shing gzhan la kha 'phang byas pa du ma yod par bshad pas de 'dra zhig gam/ de min na gzhan yang de'i rjes su rong phyogs su gzhan la kha 'phang byas nas bstan bcos rtsom mkhan mang du byung bas de 'dra'i nang tshan gyi bod ma zhig yin gyi/ klu byang gis mdzad pa ni min par mkhas pa dag gis bshad do/ /gong gi klu byang gis mdzad pa'i bzhi po de'i nang nas rim lnga khong bsdud slob dpon gyis mdzad pa yin min the tshom can yin zhes gung rus bshad la/ 'ga' zhig gis gzhung de the tshom can yin te/ rim pa re re'i nang du yang rim pa lnga lnga byas pa'i phyir gsungs par grags mod/ sgrub byed des rnam dag min par mi 'grub ste/ de ltar na phar phyin re re'i nang du yang phar phyin drug re tshang bar bshad pa yang skyon du 'gyur la/ de 'dod na theg pa chen po'i lugs la chos gcig gi nang du nyams len gyi chos du ma 'dus par bshad pa yang mi 'thad par khas len dgos byung bas/ de 'dra'i shes byed kyis the tshom can du mi 'grub kyis/ gzhan dpyod ldan la skye rigs pa'i dogs pa yod na 'god rigs shing blo gros dang ldan pa dag gi dogs pa yin nges rnams lung rigs dang mthun par dpyad 'os pa yang yin no/ /yang slob dpon sgra gcan