[A:18a]dang tshul bzhi sogs rgyan bdun gyi bshad pa'i sgo nas rgyud kyi don gtan la phab don yin pas rgyud la brten pa shes pa'i ched du/ rtsa rgyud le'u bcu bdun pa'i 'grel pa sgron ma gsal ba mdzad/ 'grel chen 'di nas 'phags pa yab sras kyi gzhung snga ma dag las mi gsal ba'i sgrub dkyil gyi skabs su nye bar mkho ba mang po zhig kyang ston pa yin no/ /gzhan yang slob dpon 'dis mdzad par grags pa'i rdo rje sems dpa'i sgrubathabs zhig yod pa 'di'i mdzad byang la tsaNDa kIrtis byas zer ba yod pa la 'khrul nas/ zla grags kyis mdzad par 'dod pa ni/ de nyid kyi brjod bya'i don la ma brtags par smras pa ste/ gzhung de nyid na lcags chu me rlung gi ra ba'i srung 'khor bsgom pa'i lung sbyor mdo bsre dang mi mthun pa mang du yod pa dang / ye shes tsam la snyoms 'jug pa/ /rnal 'byor zhes ni mngon par brjod/ /ces pa'i rnam snang sgyu dra'i lung de bde mchog gi lung du byas pa sogs nor ba yang 'ga' re yod par bshad pas so/ /yang rje btsun red mda' ba'i gsung las/ gzhung 'di mdo byas tshig lhug tu btang ba lta bu zhig 'dug pas/ 'phags pa klu sgrub kyis mdo byas tshigs bcad du rtsom grub pa'i rjes su/ dpal ldan zla bas de lhug par byas pa lta bu'i gzhung mi rtsom pas/ bod ldom gcig gis brtsams pa yin zhes 'byung yang / gzhung 'di rgya gzhung yin pa la rtsod pa med de/ 'di'i rgya dpe yang yod par bshad cing / lhag par la li ta badzra dang / ta thA ga