[A:18b]ta rakShi tas mdzad pa'i rgya 'grel khungs ma yang gnyis tsam zhig snang bas so/ /des na bdag nyid chen po sa skya paNDi ta'i rnam thar de nyid kyi dngos slob lho pa kun mkhyen gyis mdzad pa'i gsan yig gi skabs su chos rje'i gsung rgyun bzhin 'bri bar mdzad pa las/ rdo rje sems dpa'i sgrub thabs shes rab 'byung gnas sbas pas mdzad pa zhes 'byung bas/ zla grags gnyis pa ste paNDi ta gzhan zhig gis mdzad pa yin la/ de yang tshad ma'i 'grel pa mdzad mkhan gyi rgyan mkhan po bya ba de yin par ngor pa'i zin bris 'ga' zhig las bshad do/ /de lta bu'i 'phags pa klu sgrub kyis mdzad pa'i sgrub thabs mdor byas la 'phags yul gyi 'grel pa'i rnam grangs la/ a bha yA ka ra'i rim lnga dang sbrel ba'i 'grel pa/ bha bya kirti'i 'grel pa/ thub pa dpal gyi 'grel pa/ brtson 'grus bzang po ste btsun mo can gyi 'grel pa/ bi bhu ta tsaNDa'i 'grel pa/ nag po dam tshig rdo rje'i mdo bsre dang gnyis ka la 'grel pa/ slob dpon sgeg pa'i rdo rje'i 'grel pa/ kha che legs smra'i 'grel pa dang brgyad yod cing / gzhan yang 'phags skor la nag po dam tshig rdo rje'i 'dus pa'i gtor ma rgyud dang mthun pa zhig rdo rje sems dpa'i mchod chog yang mngon shes can gyi mchod chog rab 'jigs rdo rje'i sbyin sreg slob dpon sgra dbyangs bcu gcig pa'i rdo rje 'chang gi lam gyi rim pa zhes pa'i gzhung la gzhung phran du ma yod do/ /de ltar dpal 'phags pa klu sgrub yab sras kyi gong du bstan pa'i rtsa bshad kyi rgyud de dag la brten nas lam thams cad kyi rtsa ba smin byed kyi dbang la thun mong gi dbang dgu yod pa'i khyad chos dang ldan pa sngon du song nas/ grol byed kyi lam la bskyed rdzogs gnyis las/ bskyed rim rnal 'byor gsum gyi ting nge 'dzin dang /