[A:22a]kun dga' snying po'i lugs dang thun mong ba/ lha so gnyis ma ni 'phags lugs dang thun mong ba yin par gsungs pa yin no/ /lam srol bdun pa ni/ rdo rje sems dpas za hor gyi rgyal po rab gsal zla ba la tantra sde bco brgyad yo gar 'brel ba'i man ngag gnang ba la brten nas/ rgyal bas lung bstan cing sgrol mas byin gyis brlabs pa'i grub chen kun dga' snying pos gsang 'dus rtsa rgyud dang / rnam snang sgyu 'phrul drwa ba rtsa bshad du bsdebs nas yo ga rdor dbyings ltar bsnun sreg bcings gsum gyi srung 'khor dang / phyag rgya bzhis rgyas 'debs sogs mdzad pa'i lugs de nyid dang / de yang grub chen 'di rdor dbyings ltar mdzad pa'i dgongs bzhed ston pa sangs rgyas nas zhag bdun lon pa'i tshe rtsa rgyud de nyid 'dus pa gsungs pas/ de'i rjes su gsungs pa'i rgyud thams cad de'i bshad rgyud lta bur bzhed cing / ma rgyud sangs rgyas mnyam sbyor dang / pha rgyud gsang ba 'dus pa/ sgyu 'phrul dra ba sogs yo gar bshad de/ sangs rgyas mnyam sbyor dang gsang ba 'dus pa gnyis la yo ga ltar bkral ba'i 'grel pa yang mdzad la/ 'o na gsang ba 'dus pa sogs bla med rnams yo gar bkral ba mi 'thad dam snyam na/ skyon med de/ spyir yo ga la 'phags yul gyi slob dpon rnams kyi 'grel tshul dang / za hor gyi slob dpon rnams kyi 'grel tshul gnyis las/ dang po ni/ gsang sngags la rgyud sde bzhi sogs kyi rnam gzhag mdzad nas rdor dbyings sogs rgyud sde gsum par mdzad de/ de'i gong