[A:22b]na bskyed rdzogs zab mo'i lam rnams kyi sgo nas gzhan las khyad par du 'phags pa'i rnal 'byor bla med kyi rgyud sde rnams yod par bzhed/ gnyis pa ni grub chen kun snying sogs za hor ba rnams spyir gsang sngags la rgyud sde gsum gyi grangs nges mdzad nas spyod rgyud kyi gong du yod pa'i rgyud sde thams cad yo gar bsdus te/ de dag gi gong na bla med bya ba'i rgyud sde med par bzhed pas 'gal ba cher med cing / gsang ba 'dus pa'i rgyud kyi dgongs pa zhig yin par bshad pa yin te/ dper na bla med spyi tsam pa la yang 'phags yul ba'i slob dpon rnams kyi bzhed pas/ dus 'khor 'di bla med gzhan dang mi mthun pa'i chos skad zur ba zhig yin par gsungs la/ byang shambha la'i rigs ldan rnams kyis bla med thams cad dus 'khor ltar bshad rgyu yin gsungs nas bde dges gsang gsum sogs dus 'khor ltar bkral ba'i sems 'grel skor gsum byung ba lta bu'o/ /gnyis pa bod yul du lam srol ji ltar byung ba'i tshul ni/ 'o na gsang ba 'dus pa 'di bod du dus ji tsam na byon bshad pa'i srol mi 'dra ba ji ltar byung zhe na/ bstan pa snga dar la 'di 'gyur kyang phyis lhad zhugs par bshad pas ltar snang ba yin la/ bstan pa phyi dar gyi dus su lo chen rin chen bzang pos paNDi ta shaddha la gsang 'dus kyi chos skor zhus nas bsgyur cing dar bar mdzad kyang deng sang lo chen nas brgyud pa'i gsang 'dus 'phags lugs ni chad nas mi bzhugs pa la/ phyis lo chen gyi sku tshe'i smad tsam gyi dus su jo bo rje bod du byon nas mgar dge ba