[A:23b]snyam na/ 'jam rdor gyi tshe mi bskyod pa rigs bdag tu btegs/ de'i dod du 'jam dbyangs/ spyan ras gzigs kyi tshe 'od dpag med rigs bdag tu byas/ de'i shul du mi bskyod pa bzhugs/ dbus su spyan ras gzigs bkod pas rigs lnga ma tshang ba'i skyon yang med cing / gal te rgyal gzhan dbus mar bzhag /ces pa ltar 'jam dbyangs dang spyan ras gzigs gnyis 'khor gyi sems dpa' gtso bo'i gnas su bzhag pa min gyis/ rang dga' ba re gzhan nas byon pa gtso bor bzhag pa yin pas gtso 'khor go log gi nyes pa med par shes dgos so/ /des na ye shes zhabs lugs pa'i lha bcu dgu ma la dbus kyi mi bskyod pa rigs bdag tu yar btegs pas gtso 'khor gyi sar bkod pa'i nyes pa mi 'byung / jo bo'i lugs kyi spyan ras gzigs lha bcu dgu ma la gtso 'khor go log pa'i nyes pa rang ga la yong / 'on kyang dbus kyi mi bskyod pa nub kyi 'od dpag med kyi gnas su spos pas gtso bo 'khor gyi gnas su phab pa ltar snang bas dpyod ldan dag gis nyes spong la 'bad dgos so zhes bla ma mkhas pa dag gis bshad do/ /'o na ye shes zhabs lugs pa'i bcu dgu ma 'di mgon po 'jam pa'i dbyangs kyis ye shes zhabs lugs la dngos su gnang bas 'di la 'khrul ba med kyis/ jo bo rje'i lha bcu dgu ma 'di ji ltar yin zhe na/ 'di nyid yi dam gyis gnang ba yin nam/ bla ma brgyud pa'i man ngag yin gsal kha byas pa zhig kho bos sngar ma mthong bas 'di yin gyi kha tshon gcod ma spobs mod/