[A:24a]'on kyang jo bo rje 'di snyigs ma'i skye bo gdug pa can rnams byams snying rje byang chub kyi sems gsum gyi sgo nas 'dul ba la ches mkhas shing / yi dam thugs rje chen po dang / rje btsun sgrol ma sogs kyis rjes su bzung ba sogs dpag tu med pa'i yon tan mnga' ba rtsod pa dang bral ba'i paNDi ta chen po zhig yin par yongs la grags shing grub pas/ yi dam lhas gnang ba thob pa'i gdams pa'am/ bla ma brgyud pa bar ma chad pa las 'ongs pa'i man ngag lta bu 'khrul med tshad ldan zhig yin pa la ni the tshom za dgos pa ma yin no/ /yang jo bo rje bod du phebs pa'i rjes tsam la 'brog mi lo tsA ba shAkya ye shes kyis rgyal po sprin gyi shugs can la gsang ba 'dus pa'i chos skor gsan nas bod du spel ba'i lo tsA ba 'di'i lugs kyi gsang ba 'dus pa'i chos skor yang bod du byon la/ yang bla ma gnyan lo tsA bas ri sul gyi rnal 'byor ma dang bla ma bandha pa la ye shes zhabs lugs gsan/ de nyid nas rje btsun sa skya pa chen po la brgyud pa'i dbang rgyun sogs deng sang yang ma nyams shing 'phel rgyas su bzhugs pa yin la/ gzhan yang phyis su chag lo chos rje dpal gyis bal po'i paNDi ta ra wentra pa la gsang ba 'dus pa'i dbang bka' dang bshad bka' sogs gsan nas/ de'i slob ma grags pa grub/ de'i slob ma jo btsun me 'bar sogs la brgyud nas da lta yang dbang bka' bzhugs par sems la/ yang 'brog mi'i sku tshe'i smad tsam la de'i slob ma 'gos khug pa lhas btsas sam mtshan dngos 'gos lo bsod nams rtse mo zhes bya ba de nyid kyis rgya gar du lan