[A:4b]do/ /gang du thabs yang dag par rgyu zhing shes rab mi g.yo ba de ni thabs kyi rgyud do/ /rang gi ngo bo ni thams cad shes rab dang thabs kyi bdag nyid/ gzhan rnams rnal 'byor gyi rgyud 'di nyid de/ zhes gsungs pas so/ /lung de gnyis kyis ni gong du smos pa'i pha rgyud dang ma rgyud kyi khyad par 'byed byed kyang gsal bar bstan no/ /nges don du bla med thams cad thabs shes gnyis med yin zhes pa'i don yang rgyud kyi dgongs pa mthar thug bskyed rdzogs zung 'jug tu gnas zhes pa'i don yin te/ dper na bcom ldan 'das kyis gdul bya so so'i ngor chos sna tshogs pa zhig gsungs pa thams cad nges don du de bzhin nyid la gzhol zhing 'bab par bshad pa dang mtshungs pa yin pas so/ /nges don du thabs shes gnyis med yin kyang / kun rdzob drang don du pha rgyud ma rgyud gnyis su gsungs pa'i pha'i rgyud la/ zla bzang thig le'i rgyud las/ 'dod chags zhe sdang gti mug gis/ /rgyud kyang rnam pa gsum du 'gyur/ /zhes gsungs pa ltar/ gdul bya 'dod chags can rjes su gzung ba'i phyir gtso bor gsungs pa gsang ba 'dus pa'i skor/ gdul bya zhe sdang can 'dul ba'i phyir du gtso bor bstan pa gshin rje gshed kyi skor/ gdul bya gti mug can 'dul ba'i phyir du gtso bor bstan pa rnam snang sgyu 'phrul drwa ba'i skor dang gsum du yod pa las/ gshin rje gshed kyi skor rnams shes par 'dod na kho bo'i gshin rje gshed skor gyi chos 'byung 'jam dpal chos kun gsal ba'i nyin byed ces bya ba logs na yod pas der blta'o/ /sgyu 'phrul drwa ba la/ rnam snang sgyu 'phrul drwa ba/ 'jam dpal sgyu 'phrul