[A:5a]drwa ba/ rdo rje sems dpa'i sgyu 'phrul drwa ba dang gsum las/ dang po la slob dpon kun dga' snying po dang / rab zhi bshes gnyen/ smr-irti rnams kyis 'grel pa re mdzad de yo gar bkral/ dpal dus kyi 'khor lo'i dpal ldan 'bras spungs kyi dbang bskur bcu gnyis bya ba'i nang du rnam snang sgyu drwa'i dbang zhig byung bar bshad kyang deng sang chad nas de'i bka' mi bzhugs/ phyis su rje rdo rje 'chang kun dga' bzang po'i gong tsam du 'di'i dbang bla ma kha cig gis mdzad par grags kyang 'thad ldan min par bshad la/ gang ltar kyang rnam snang sgyu drwa 'di slob dpon chen po a bha ya ka ras rdo rje phreng bar rnal 'byor bla med du bshad pa ltar 'di bla med pha rgyud kyi khongs su bsdu dgos so/ /'jam dpal sgyu 'phrul drwa ba ni khri drug stong pa'i dum bu mtshan yang dag par brjod pa ste/ 'di la yang yo gar bkral ba dang / bla med du bkral ba la sogs bshad srol drug tsam zhig yod de/ sdom gsum rab dbye las/ mtshan brjod bshad pa lugs drug dang / /zhes gsungs pas so/ /rdo rje sems dpa'i sgyu 'phrul dra ba ni/ rtsa ba'i rgyud gsang ba'i snying po sogs te/ 'di 'ga' zhig gis rma rin chen mchog gis brtsams pas rgyud min gsungs kyang / gsang ba'i snying po ni rgyud rnam dag yin te/ rje btsun rin po che grags pa rgyal mtshan gyis/ gsang ba'i snying po/ sgyu 'phrul brgyad cu pa/ lha mo sgyu 'phrul/ thabs kyi zhags pa rnams rgyud rnam par dag pa 'dra/ lhag ma legs par brtags la gyis/ zhes gsungs pas 'khrul pa med do/ /spyir rnying ma pa