[A:90b]byas pas/ slob dpon snyung ba dwangs yod zer/ der khrus byed kyin bsdad pas/ sman rnams bud med de dag gis khyer nas gar song cha med du song / der slob dpon gyi drung du phyin pas ma dwangs par 'dug nas/ lo rgyus bsnyad pas/ mkha' 'gro'i bar chad du shes so/ /yang lo rgyus gzhan las/ slob dpon zhal skyems nas shing thog srung ba'i bu mo zhig la shing thog bslangs pas ma byin par 'phrogs nas zos pas khrag 'khru nas snyung ba na/ rgya mtsho'i wu bas phan zer nas slob ma rkang mgyogs grub pa zhig gis blangs nas 'ongs pas/ bud med bdun tsam zhig ngu zhing 'dug pas/ ci yin dris pas/ slob dpon grongs zer/ 'o na 'dis ci bya snyam pho nas phyin pas slob dpon ma dwangs par 'dug nas/ lo rgyus zhus pas/ da mkha' 'gro ma'i bar chad yin/ tshe 'di la phyag rgya chen po thob pa'i skal ba med/ bar dor rten 'di la zhugs nas phyag rgya chen po'i dngos grub mngon du byed pas nga'i lus 'di zhag bdun du ma sregs shig gsungs nas sku nongs so/ /de nas zhag lnga na rgyal pos rig nas yul phyogs na ro yod pas yul pa thams cad tshogs shig zer nas 'jog tu ma ster te/ spur sbyangs pas gdugs dang rgyal mtshan dang / me tog gi char la sogs pa lus mi snang ba'i mchod rdzas du ma dang / Da ma ru dang / ting shag la sogs pa'i rol mo'i sgra rang khrol du byung zhing / lha'i gdugs spos kyi dri zhim po yang rgya cher byung ngo / /lo rgyus kha cig las/