[A:94a]byon nas sngar bzhin gsos/ de nas yang phyi bzhin 'brangs pas/ blon po'i bag ma 'gro bar gzigs/ rnal 'byor pa bya ba phyag rgya ma dgos pas/ khyod kyis blon po'i bag ma 'phrog nus sam gsungs pas/ sngar bzhin bram ze'i chas su byas te byon pas/ khong rnams bkra shis so zer ba na/ bag ma la me tog btags pang du rtsen te blangs khur bar brtsams pa na/ blon po la brnyas pa 'di ltar byed pa zer te brdungs nas/ rkang lag bzhi bcad de bzhag go /der da res rkang lag bcad pa mthud du ni mi btub gsos pa'i thabs med dgongs tsa na/ slob dpon byon nas sngar ltar gsos/ yang phyi bzhin 'brangs pas grong khyer zhig na dga' ston byed pa la slongs shig gsungs/ bslangs pas tshod ma snod gang byin byung ba slob dpon la zhus pas zhim zhim mdzad de gsol/ da dung gsol bar 'dug snyam yang slong du phyin pas ma byin pa na/ sngar gyi tshod ma de 'dra 'dug pa'i zangs de brang la bkab ste bros yong pas mi mang pos brdungs pas kyang zangs ma shor bas/ mi de dag na re/ brkam chags can khyod tshod ma khyer la zangs byin cig zer ba na zangs gtad/ tshod ma khyer nas phul bas dges te gsol/ yang byon pas sngar gyi dge 'dun gyi gtsug lag khang chen po de'i rtser bzhud song bas/ 'di nas mar mchongs nus pa su yod gsungs/ bltas pas gzhan ni mi 'dug nga la gsungs pa yin dgongs tsham tshom med par mchongs pas/ rkang