[A:94b]lag dang rtsibs ma chag rgyu long la zug pas shin tu sdug bsngal ba na zhag 'ga' ma byon/ de nas slob dpon byon te sngar bzhin mdzad pas gsos/ yang phyi bzhin 'brangs pas nags 'dab shig tu shing skam po thus shig gsungs/ na ro pas btus/ slob dpon rang yang 'thu bzhin 'dug pas/ thams cad spungs te me sbar te/ 'di'i dbus su sdod nus pa yod dam gsungs pa la/ nus zhus te bsdad pas sha thams cad tshig rus pa dkar por song nas/ da ni gsos pa'i thabs med dgongs tsa na me rang zhir song / phyag gis byugs pas sngar bzhin gsos/ yang byon pas grong khyer ba'i mi gtsang ba spungs pa'i 'dam pa khrod cig tu khrid de/ 'di bza' nus sam gsungs/ nus zhus the tshom med par zos mi zhim yang 'gyod pa med dgongs so/ /de nas phyi bzhin 'brangs pas mya ngam gyi thang chen po zhig tu khrid de/ der cung zhig mnyam par bzhag nas/ na ro pa la gzigs te/ khyod yun ring po nas tsha grang la sogs pa mi bzod pa med cing / gang yang yid la mi byed par dka' ba don du gnyer ba ci 'dod pa yin gsungs pa la/ bdag yang dag pa'i gdams ngag 'dod do zhus pas/ 'o na yang dag pa'i gdams ngag ster bas maNDal gyis gsungs pa na/ chu med zhus pas dri chus gyis gsungs/ maNDal byas te me tog bkram pa na/ slob dpon gyis maNDal gyi 'jim pa zhig blangs te/ na ro pa'i bzhin la 'phangs pas mi rtog pa skyes te/ de yang lhan cig skyes pa'i ye shes mtshon par bya ba'i phyir byin gyis