[A:95a]brlabs par mdzad do/ /de nas dang por dbang dang / rgyud dang / bstan bcos rnams gsungs/ de nas gdams ngag bskyed pa'i rim pa dang / gzhi 'khor ba'i gnad rtsa dang rlung dang byang chub kyi sems la sogs pa mtshon byed dpe thams cad bstan nas/ mtshon bya don zhus pas/ kye ho 'di ni rang rig ste/ /ngag gi lam 'das spyod yul min/ /te lo pa yis ci yang bstan du med/ /rang la rang gis rlan te shes par byos/ /zhes gsungs shing / rgya mtsho dang 'dra ba'i mtshon bya don 'dra ste/ da khyod paNDi ta'i chas ma 'dzin par rnal 'byor pa'i cha lugs kyis bsgrub pa snying por gyis shig skye ba 'dir mchog gi dngos grub thob par 'gyur ro/ /paNDi ta'i chas bzung ste rtsod pa byas na/ chos la smod pa'i ltung ba 'byung bas dngos grub mi 'grub bo gsungs dam tshig phog nas mi snang bar gyur to/ /de nas na ro pas pu la bi har zhes bya ba me tog bzang po dag kyang lha khang de'i tshon gyis zil gyis gnon pas na me tog 'phrog pa'i lha khang zhes grags pa'i byang phyogs na grong khyer chung ngu zhig yod pa der rgan mo zhig gis 'tsho ba phul te bsgrub pa snying por mdzad cing bzhugs pa las/ dus re zhig na/ mu stegs gcer bu ba rnams rtsod pa rgyal te/ sangs rgyas kyi bstan pa 'jig par nye ba na/ rgyal pos paNDi ta lnga brgya bsags te me tog phreng ba gtad pas sus kyang len ma nus nas/ rgyal po na re/ da dung khyed rnams gros gyis la rtsod pa gyis shig mi nus na gtsug lag khang dbang rigs dang bcas pa gcer bu ba la