[A:95b]'bul lo zer bas/ paNDi ta rnams gros byed pa'i tshe/ rgan mo zhig na re/ nga'i khyim na na ro pa bzhugs pas de la zhus zer/ thams cad kyis rgyu mtshan zhus gsol ba btab pas/ bstan pa 'jig la khad dam gsungs pas/ khad do zer ba na/ sngar slob dpon gyi bka' gnang ba brjed nas ma dran par zhal gyis bzhes/ der rtsod pa'i khri bshams pa la gcer bu pa 'ongs ma nus pa na/ kho rang gi lha khang gi sgor rgol ba dang / phyi rgol ba dang / dpang po rgyal po dang gsum gyi khri bshams te/ brtsad pas slob dpon cung zad zhan zhan 'dra nas/ thugs la nga lta bu'i smra ba'i dbang phyug zhan pa ltar snang ba ci yin snyam pa na/ sngar slob dpon gyi gsung dran/ de bcag pa'i nyes par dgongs nas/ yid kyis bshags pa byas gsol ba btab pas/ te lo pa phyag g.yon par mi'i thod pa bcad ma khad cig thogs nas byon pa la phyag mdzad pas/ gcer bu ba dag na re/ snying rje dang bral ba srin po'i gzugs can 'di lta bu la phyag 'tshal ba de nyid kyis khyod pham pa'i gnas su gyur to zer ba la/ te lo pas pham pham gsungs pas/ kho'i lha khang mchod rten 'dra ba zur brgyad dang / gsum thog yod pa de la sdigs mdzub mdzad pas/ lha khang rgya phibs dang bcas pa thams cad hrul gyis zhig pas/ gcer bu pa dag skrag ste/ thams cad kyis slob dpon te lo pa'i zhabs la phyag 'tshal te/ gcer bu pa thams cad sangs rgyas kyi bstan pa la bkod do/ /de nas slob dpon ti lo pas na ro pa la/ da khyod kyis skye ba 'di la phyag rgya